Formulario de búsqueda

Levitiko 18

Milao yankwato zitondwa amakani amwi

1Lino Jehova wakaambila Musa kuti, 2-Ambila bana ba-Israyeli kuti, Ndime Jehova Leza wanu. 3-Mutaciti mbuli ziyanza zyanyika ya­ Egepita, nkumwakakede; alimwimutaciti mbuli ziyanza zyanyika ya-Kanana, nkondimutola. Mutatobeli milao yabo pe. 4Amucite milao yangu akubamba imbeta zyangu, mweende mulinzizyo. Ndime Jehova Leza wanu. 5-Amubambe imbeta zyangu amilao yangu, nkaambo nzenzizyo ziletela muntu buumi kufumbwa uuzicita, Ndime Jehova.

6Kutabi muntu akati kanu uuswena kulisiluzubonyina kuti amuvumbwide cinswe. Ndime Jehova. 7Toelede kuvumbula cinswe causo, nkokuti cinswe cabanyoko; mbubali banyoko, utabavumbwidi cinswe. 8-Toelede kuvumbula cinswe camukauso, nkaambo ncecinswe causo. 9-Acalo cinswe camucizi wako, mwana wauso na mwana wabanyoko, naba muzyalwemuŋanda naba muzyalwekule utabavumbwidi cinswe pe. 10Acalo cinswe camwana wamwanaako mwaalumi na wamwanaako musimbi, utabavumbwidi cinswe pe, nkaambo ncecinswe cako omwini. 11Acalo cinswe camwana wamukauso, ngwaakazyala uso, ngumucizi wako, utamuvumbwidi cinswe. 12-Toelede kuvumbula cinswe camucizi wauso, nkaambo ndoluzubo lwauso. 13Toelede kuvumbula cinswe camucizi wabanyoko, nkaambo ndoluzubo lwabanyoko, 14Acalo cinswe camunyina uso tnwaalumi, utamuvumbwidi cinswe pe; utayi kubanakwe, nkaambo mbanyoko. 15-Toelede kuvumbula cinswe camukamwanaako; mbwali mukamwana wako, utamuvumbwidi cinswe pe. 16-Toelede kuvumbula cinswe camukamunyoko, nkaambo ncecinswe camunyoko. 17-Utavumbuli cinswe camwanakazi acinswe camwanaakwe; alimwi utatoli mwana wamwanaakwe, naba mwaalumi naba mwanakazi, kuti umuvumbwide cinswe, nkaambo ndoluzubo lwabo. Ngamalweza. 18-Alimwi utatoli mwanakazi kuti abe mukwatwanyina kumucizi wakwe kukumupenzya; utamuvumbwidi cinswe, mucizi wakwe naaci muumi.

19-Utasweni kumwanakazi kukumuvumbwida cinswe kuciindi cakutondwa kwakwe. 20-Utalaliki mukamweenzinyoko kukulisofwaazya anguwe. 21-Utapi bana bako kukutentela Moleki, kuti utasofwaazyi izina lya-Leza wako. Ndime Jehova. 22-Utaoni amwaaluminyoko mbubonya mbuli koona amwanakazi; malweza. 23-Utaoni amunyama akulisofwaazya awe; alakwe mwanakazi ataoni amunyama; ndupilingano.

24-Mutalisofwaazyi azintu ezi zyoonse, nkaambo zintu ezi zyoonse nzezizyo nzibakalisofwaazya bamasi mbentanda kubusyu bwanu. 25-Nyika yakasofwaazigwa, aboobo ndakaiboozezya bulumbu bweelede zibi zyayo, nkabela nyika yakaluka bantu bakede mulinjiyo. 26Lino nywebo, amubambe milao yangu ambeta zyangu. Mutaciti zisesemyo zili boobu, pe, naba muzyalwemucisi naba mweenzu uukalakala akati kanu, 27(nkaambo bantu ibakamutaangunina kukala mucisi bakacita zisesemyo ezi zyoonse, aboobo nyika yakasofwaazigwa); 28kuti nyika itamuluki, nemwaisofwaazya, mbubonya mbuli mbuyakaluka bantu ibakamutaangunina. 29Nkaambo kufumbwa bantu bacita zisesemyo zili boobu, abo bantu balatandwa muciinga cabo. 30Nkaambo kako amubambe imbeta zyangu, mutaciti neciba cimwi caziyanza ezi zisesemya izyakacitwa kunembo lyanu. Mutalisofwaazyi anzizyo pe. Ndime Jehova Leza wanu.