Formulario de búsqueda

Exodus 6

1Tua-llu Ataneq Moses-aamun qanertuq, “Tangrrarkaugaten piarkanka pikumki Pharaoh-mun. Wiinga umyugaa aksangraan cingciqaqa pegtevkarluki yuunka. Ilumun ayagcetetngurciiqai cingluki nunaminek.”

Agayutem Qayagauraa Moses-aaq

2Agayutem Moses-aaq qanrutaa, “Wiinga Atanruunga. 3Alailallruunga Abraham-aamun, Isaac-aamun, Jacob-aamun-llu, Pinilriarulua Agayun, tau͡gaam wangnek nallunaillrunritua ellaitnun tanqilriakun atemkun Atanerkun.+ 4Akqut'lillgutkellruanka akeqluki-llu Canaan-aam nuniinek cikirciqniluki, nunamek uitavikellratnek allanruluteng. 5Cali-llu wiinga niitellruaqa yuuniarallrat Israel-aat Egypt-aarmiunun teguarulriit, umyuaqluku-llu wiinga akqutkelqa. 6Taumek waten qanruski Israel-aam yui, ‘Wiinga Atanruunga; aviuciiqamci teguarunrirtelluci Egypt-aarmiunun. Talliqa pinilria nalugciqaqa anirturluci, anucimirqecetaarun-llu alingnarqelria ellaitnun tuc'etarkauluku. 7Nakmiin yuksaguciiqamci. Agayutkeciqerpecia-llu. Nallunrirciqerci Atanruciqa Agayutsi teguarunrirceskumci Egypt-aarmiunun teguarullerpecen̄ek. 8Ayauciiqamci nunamun piciulua akqutkellemnek cikiutekciqniluku Abraham-aamun, Isaac-aamun, Jacob-aamun-llu; cikiutekciqaqa elpecen̄un nakmiin piksagutelluku. Wiinga Atanruunga.’” 9Man'a Moses-aam qanrutkaa. Tau͡gaam niicugniyuumiitaat, tua-i-wa umyugait navgumiimeng calirpagcecimallermegteggun.

10Tua-llu Ataneq qanertuq Moses-aamun, 11“Ullagluku Pharaoh qanrusgu, Israel-aanun-gguq man'a nunii unitelliu.”

12Tau͡gaam Moses-aam kiugaa, “Israel-aarung'e'rmeng niicugniyunritaatnga, ciin-mi tua-i Pharaoh-m niicugniyartanga? Qalartelqa elluatuuksaitelartuq.”

13Atanrem alerqurak Moses-aankuk Aaron-aaq-llu: “Qanertek Israelite-anun Pharaoh-mun-llu alerqurnilutek wangnun anutesqelluki Israel-aam yui Egypt-aamek.”

Igausngalriit Ilakek Moses-aankuk Aaron-aaq-llu

14Reuben-aaq, Jacob-aam yung'eqarraarutii qetunrangqertuq cetamanek: Hanoch, Pallu, Hezron, Carmi-llu; makut maa-i Reuben-aam ilai. 15Simeon-aaq qetunrangqertuq arvinlegnek: Jemuel, Jamin, Ohad, Jachin, Zohar, Shaul-aaq-llu qetunraa arnam Canaan-aarmium. Makut maa-i Simeon-aam ilai. 16Levi-aq qetunrangqertuq pingayunek: Gershon, Kohath, Merari-llu. Levi-aq yuullruuq allrakuni yuinaat arvinelgen akimiaq malrugnek cipluku (137). 17Gershon-aaq malrugnek qetunrangqertuq: Libni, Shimei-aq-llu. Taukuk amllernek kinguvengqellruuk. 18Kohath-aq cetamanek qetunrangqertuq: Amram, Izhar, Hebron, Uzziel-aaq-llu. Kohath-aq yuullruuq yuinaat arvinelgen qula pingayunek cipluku (133). 19Merari malrugnek qetunrangqertuq: Mahli Mushi-llu. Ukuk ilakellriartaqak Levi-am ilakluki kinguveteng.

20Amram-aaq nulirtullruuq atami nayagaanek Jochebed-aamek. Taumi qetunrangqertuq Aaron-aamek Moses-aamek-llu. Amram-aaq yuullruuq yuinaat arvinelgen akimiaq malrugnek cipluku (137). 21Izhar-aq pingayunek qetunrangqertuq: Korah, Nepheg, Zichri-mek-llu. 22Uzziel-aaq-llu pingayunek qetunrangqertuq: Mishael, Elzaphan, Sithri-llu.

23Aaron-aaq nulirtullruuq Elisheba-mek, Amminadab-aam panianek, Nahshon-aam anelgutiinek. Taumi qetunrai: Nadab, Abihu, Eleazar, Ithamar-aq-llu. 24Korah-llu pingayunek qetunrangqertuq: Assir, Elkanah, Abiasaph-aaq-wa. Ukut ilakellriit Korahite-at ciuliaqait. 25Eleazar-aaq, Aaron-aam qetunraa, nulirtullruuq Putiel-aam paniin iliitnek, tuani-llu qetunrangqertuq Phinehas-aamek. Makut tusngavikait yuungnaqellriit ilakellriartain Levi-am yuin.

26Ukuk wani-wa Aaron-aankuk Moses-aaq-llu Atanrem qanrutellrek, “Ciuliqagteki Israel-aam yui Egypt-aamek.” 27Elkenka-llu Pharaoh qanrutellruak Israel-aat teguarunrircetesqelluki Egypt-aami.

Atanrem Picirkiutii Moses-aankugnun Aaron-aaq-llu

28Atanrem Moses-aaq qalarutlermini Egypt-aami 29qanellruuq, “Wiinga Atanruunga. Qanrusgu Pharaoh tamalkuitnek qanllemnek.”

30Tau͡gaam Moses-aam kiullrua, “Nallunritan qalartelqa elluatuunrituq, qaillun Egypt-aam angayuqran niiciiqanga?”

Yupik Bible

Yupik Bible © 2012 American Bible Society

More Info | Version Index