Formulario de búsqueda

2 Korin 11:9-11

9-11Na brio maruha duha, yeshri duha yo hmbresha duha rhumohat, na nhai marimoya nikomn krhopam hiruha nd tamoh tamohroh yak hanyeft. Nhai. Wur nndo Masedoniako tohtany niayuk yimamn marut, yeshrt, yo hmbresham hnahemoma. Na nd rom hnayuk shrkamn rhumoya. To nikom-pno kfo tndau duha yimohat, nhai wom dukefmpno inji narmoya. Nhai mif mif. Bro Nkifrar hti mifwora. Nanhu yima yuhur nikompno rhu mifwor. Be duka memoya, nhai krhopam hirhotanm nanhu tamoh tamohroh yak hanyeft, ndnetann ariham yo kto wom yiha wom yiham toh hnayukm nhai kfo mirhota nikomn yak hirahkma na tamohm myak kkopenakneft. Nhai mif mif. To na gutnius niko he furamo nmbuhatpno na kfo grhaneft nhai wom Akaia thofrn kfo raforhotra.

12Na nikompno yi hingrnaneft na nhai maruha yak hakurhotanko. Bi inji rinakmoya to be inji nahanyruha. Inji narhota nd wom giaman aposerm nhai tfit turoh yufam kfo grhahato kfo miruhatm, “Nom Porrom Korint niwa nef yuhat hikwonom.”

Bro Nkifrarhu Mrokfot

© 2013-06-11, Wycliffe Bible Translators, Inc. All rights reserved. More Info | Version Index